Gikondena karon sa kapulisan sa Zamboanga peninsula ang sunod-sunod nga pusil ug patay dinhi sa rehiyon 9 nga kung diin gikalambigitan kini sa mga barangay ug uban pang pribadong tawo.
Ning bag-ohay lang duha ka mga kapitan ang gipamusil patay saw ala mailang mga criminal, usa taga probinsya sa Zamboanga del sur nga si Ibrahim Ungad kinsa gipusil sa duha ka mga kriminal didto mismo sa iyang pinuy-anan sa Purok Caimito, Tuburan District, Pagadian City niadtong adlawng Sabado.
Si Ungad kasamtangang barangay kapitan sa Brgy. Chairman of Brgy. New Labangan, Labangan, Zamboanga del Sur.
Samtang didto usab sa lungsod sa Sindangan gipusil patay usab si ABC President Edgardo Viñas didto sa Brgy. La Roche, Sindangan human kini naghimo ug session.
Si Viñas amahan kini sa Brgy. Dapaon, Sindangan.
Nagmando na si Regional Director Police Brigadier General Emmanuel Luis D Licup ngadto sa hepe sa lungsod sa Sindangan nga si Police Major Domingo S. Murillo II nga maghimo kini ug makuting imbistigasyon.
Samtang gibutyag usab ni Police Major Murillo, ang angolo sa pulitika didto sa lungsod sa Sindangan.
Sa laing bahin, tungod sa sunod-sunod nga patay ang nahitabo dinhi sa rehiyon 9, mas doblehon pa ang hugot nga pagtukaw sa kapulisan ug paghimo sa mga checkpoint diha sa kadalanan, aron nga dili mahatagan ug kahigayonan ang mga kriminal sa paghimo ug dili maayong binuhatan.
