SYUDAD sang Iloilo – Ara na sa kamot sang mga negosyante kon madayon ang paglift sang 2:00am liquor ban sa syudad.
Suno kay Mayor Jerry Treñas, ginahulat na niya ang mga bar operators kag owners sa ila commitment kon bala mapasiguro nila ang kaluwasan sang publiko kag peace and order sa ila establishemento.
“I am waiting for bar operators and owners for their commitment if they can assure public safety and peace and order. My office is open to everyone and I am willing to listen to suggestions,” ang pahayag ni Treñas.
Pahayag ni Treñas, dapat nga mag-install sang CCTV cameras nga may recordings sang mga establishments.
Mangin hugot man ang pagpatuman snag pagdumili sang mga minors nga magsulod sa ila establishment bangod sa isa lang ka paglapas magakahulugan ini sang pagpasirado sang ila establishemento.
“Establishments should ensure their CCTVs are functional with recording, as well as presence of enough security personnel and bouncers to prevent any untoward incident. They should also observe strict compliance of no serving of liquor to minors, otherwise first offense will mean closure.”
Dapat nga mag-employ sang security guards kag bouncer ang tags aka establishemento kag dapat sawayon na ang mga customer nga Makita nga hubog na.
Ang EO 146 ginpagwa ni Mayor Espinosa agud mauntat ang mga insidente tuga sang kahulugbon sa tion sang kaagahon.
Sugod sang ginpatuman ini halos wala na sang insidente nga natabu sa mga night spots sang syudad.
Photo from web
Via Iloilo city Government
