Zamboanga del Sur – Ang Department of Health (DOH) 9 nagpahinumdum pag-usab sa publiko nga mamahimong magbinantayon alang sa panglawas pinaagi sa kanunay nga pagbansay sa kampanya nga 4-S batok sa dengue.
Ang kampanya sa 4-S nagpasabot nga Search and destroy mosquito-breeding sites; secure Self-protection sa sama sa pagsul-ob og taas nga pantalon, taas nga mga kamiseta ug adlaw-adlaw nga paggamit sa mosquito repellent; Seek early consultation and Support, ug fogging sa mga hotspot areas diin padayon nga nagsaka ang kaso sa dengue. Kini nga panawagan gihimo human sa dakong pagsaka sa mga kaso sa dengue sa Zamboanga Peninsula Region.
Ang Disease Surveillance Update sa DOH 9 nagpakita sa total nga 2,403 nga gidudahang nataptan sa dengue fever gikan sa nagkalain-laing mga ospital sa rehiyon gikan sa Enero 1 ngadto sa Marso 29, 2019.
Ang datos nagpakita sa 122% nga pagsaka sa gidaghanon sa mga kaso kumpara sa sama nga panahon sa miaging tuig. Gipadayag sa DOH 9, ang mga kaso sa dengue sa Zamboanga Sibugay natala sa 341 sa 2019, kumpara sa 80 nga kaso sa susamang panahon sa miaging tuig.
Ang Sibugay giila nga adunay labing taas nga porsyento sa gitaho nga mga kaso sa dengue, nga gisundan sa lalawigan sa Zamboanga del Norte nga adunay 622 ka kaso kumpara sa 184 ka kaso sa miaging tuig. Ikatulo sa ranggo mao ang Zamboanga City nga adunay 935 nga kaso kumpara sa 300 nga kaso sa dengue sa 2018. Ang Zamboanga del Sur nga adunay 387 nga kaso kumpara sa 340 ka kaso sa miaging tuig; ug Isabela City, Basilan, nga adunay 118 ka mga kaso karong tuiga, kon itandi sa 179 nga mga kaso sa tuig 2018.
Adunay 18 ka indibidwal ang gikatahao nga namatay, adunay 7 nga namatay sa Zamboanga City; 5 sa Zamboanga del Norte; 2 sa Zamboanga del Sur; 2 sa Zamboanga Sibugay ug 2 sa Isabela City, Basilan.
