Natingala matud pa ang driver sa 10-wheeler truck nga si Alan Glamayo, 29 anyos, nga taga-Wao kinsa kasamtangang nagpuyo sa Barangay Carmen ning syudad, nga kalit lamang miuntol ang iyang gidrayban samtang nagdagan sa may Gaabucayan extension, Brgy. Lapasan ning dakbayan.
Tungod niini, mihunong si Glamayo aron tan-awon kung unsay problema ilabina nga nabati niining adunay milagubong puthaw.
Kini ang rason nga iyang gipatan-aw sa helper ang nahitabo ug mao na lamang ang ilang nakita, nga nagbuy-od na ang kinse anyos ug nalatayan na kini sa ligid sa truck.
Gibutyag ni Glamayo nga gikan matud pa sila sa Pier nagdiskarga og mga angle bar, apan mihapit sila sa Jetti aron magpatubil busa sa Gaabucayan St. sila miagi aron unta moadto sa Tagoloan, Mis. Or. alang sa pagkarga og mga Soya nga ilang ibyahe.
