Gin-ako sang Malacañang nga indi pwede basta basta pangalanan sa publiko ang mga artista nga gin-alegar nadalahig sa iligal nga droga.
Suno kay Presidential Spokesman Salvador Panelo, kinahanglan anay nga mangayo ang Philippine Drug Enforcement Agency (PDEA) sang permiso kay Pangulong Rodrigo Duterte.
Dugang pa ni Panelo, kun ikumparar ang narcolist sang mga pulitiko kag iban pa nga opisyal, nag-agi na ang narcolist sa ma-id id nga proseso sang mga otoridad kag mismo si Duterte ang may access sa mga impormasyon batuk sa ila.
Bangud sini ginpasugtan ni Duterte ang pagsapubliko sang mga pangalan sadto nga listahan.
Suno pa kay Panelo, natalana nga tun-an ni Pangulong Duterte kun isapubliko man ang narcolist sang mga artista.
Matandaan nga yara sa 31 ka mga artista ang yara sa drug watchlist sang PDEA. /rcsg
