Davao City – Walay natalang insidente ug nagmalinawon ang usa ka semanang selebrasyon sa ika-32nd Kadayawan Festival 2017 dinhi sa dakbayan sa Davao.
Sa interbyu sa DXDC RMN Davao kang Task Force Kadayawan ug Public Safety and Security Command Center head Ret. Gen. Benito De Leon, nagmalampuson ang security forces sa pagseguro nga mamahimong luwas ug hapsay ang mga Davaoeños ug mga bisita sa dakbayan.
Samtang gibutyag ni Davao City Police Office Director PSSUPT Alexander Tagum nga mihatah kanila’g gradong 10 ( sa scale nga 1-10) si Davao City Mayor Sara Duterte-Carpio alang sa tanang mga security forces sa malampusong pagmentenar sa kalinaw sa Davao City.
Subay niini, wala sab nasakmit nga mga armas ug uban pang gipangbawal sa selebasyon ang Task Force Davao sa mga checkpoints gawas lamang sa mga ginagmay nga mga droga.
Nagpasalamat si Task Force Davao Commander Col. Erwin Bernard Neri sa kooperasyon ug pagsabot sa publiko.
Ang Task Force Kadayawan mapasalamaton sa gihatag nga pagsalig ug paggiya ni Mayor Inday ngadto kanila.
Sumala ni TF Kadayawan head De Leon dili sab kini mamahimong malampuson kung wala ang suporta sa mayor ug sa mga katawhan.
Magpabilin gihapon taas ang alerto sa kasundaluhan ug kapulisan bisan pa man natapos na ang Kadayawan Festival.
Kasamang Aimee Guinita
