Davao City – Nanawagan karon ang Department of Social Welfare and Development (DSWD) sa tanang mga pamilya nga kanunayng ipatigbabaw ang panaghi-usa ug pagtambayayong sa unsa mang gina-atubang nga problema sa pamilya.
Sa interbyu sa DXDC RMN Davao kang Nelriza Burgos, social worker sa community-based services unit ug family focal sa DSWD-XI, gibutyag niini nga kini ang nag-unang rason sa pagselebrar sa National Family Week diin anaa sa 20 ngadto sa 24 ka mga pamilya ang gilaumang pasidunggan sa aktibidad dinhi sa syudad karong September 27, 2019, Biyernes.
“Gina-promote man gud nato sa celebration is to promote the importance and sanctity life and strengthen sa solidarity among family members. So, mao gyud na ang atoang first nga process nganong kailangan nato mag-celebrate og family week,” saysay ni Burgos.
Gibutyag sa opisyal gawas sa mga gi-imbitar nga mga pamilyang pasidunggan sa maong selebrasyon, tambungan usab kini sa mga opisyales ingon man ang gikan sa ilang Local Government Units (LGUs).
RadyoMaN Kirby Manzon
