Pagselebrar it San Juan sa Aklan naging matawhay

15

Kalibo, Aklan – Naging matawhay rong kabilugan nga assessment it Aklan Police Provincial Office (APPO) sa naging selebrasyon it kapyestahan kung San Juan kahapon.
Suno kay Police Corporal Ma. Jane Vega, Public Information Officer (PIO) it Aklan PPO nga sa pihak ko andang assessment nga pagiging matawhay ro selebrasyon hay may una gihapon nga mga nakakalusot nga indi malikawang insidente.
Base sa andang rekord kahapon may una nga natabong physical injury iya sa banwa it Kalibo kung sa siin naaresto ro daywa ka mga suspek, ag kamana man sa banwa it Nabas ag naaresto man ro suspek, may kaso man it robbery sa banwa it ag naaresto man rong suspek ag sangka kaso it pagkaeomos iya sa Kalibo nga kung sa siin ginbawian gid it kabuhi rong biktima nga sangka sang dag-on ag tunga nga unga.
Dugang pa ni Vega, nga bago pa man rong selebrasyon hay may mga ginpatigayon man eon ro mga kapulisna nga information dissemination pero indi gid malikawan ro insidente.
Kahapon sa selebrasyon hay eaban gid sa mga personnel it Aklan PPO hay gin deploy kamana man rong Aklan Mobile Force Unit (AMFU).

Facebook Comments

From Advertisers