Davao City – Gidayeg sa Department of Social Welfare and Development kun DSWD ang lakang nga gibuhat sa Department of the Interior and Local Government kun DILG bahin sa pagsilot ngadto sa mga opisyales sa barangay ug uban pang nalambigit sa anomaliya sa Social Amelioration Program kun SAP.
Sa pakighinabi sa DXDC RMN Davao kang DSWD USEC Luz Ilagan, giingon niini nga maayo ang gibuhat sa DILG aron mahimong leksyon usab kini sa uban ingon man sa musunod pa nga mga programa nga ilusad sa gobyerno.
“Maayo ning gibuhat sa DILG nga gibarugan nila ang palisiya nga ipa-hold accountable ang tanang naka-commit og salaud ilawom sa pag-implement sa SAP,” segun ni Ilagan.
Kahinumduman nga gibutyag ni DILG Secretary Eduardo Año nga dunay 89 barangay captains ang mga nasuspinde og 6 ka bulan diin 5 niini gikan sa Davao Region human nalambigit sa anomaliya sa SAP.
RadyoMaN Renz Barbarona
