Davao City – Gipaniguro sa Commission on Election (COMELEC) nga silotan gayud ang mga kandidato nga wala nagbakabana sa notice sa buhatan labot sa pagtanggal sa ilang mga illegal campaign paraphernalia ayha pa man nagsugod ang campaign period sa mga lokal nga kandidato.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gisaysay niini nga daghan gihapon ang ilang nakita nga mga campaign posters/tarpaulins nga wala nabutang sa common poster areas rason nga mapasakaan gayud ang nahisgutan og silot subay sa fair election act.
“So kani sila, sigurado kita nga mapasakaan gyud ni nato sila og election offense,” saysay niini.
Segun ni Caballero nga gihatagan sa COMELEC og notice ang nahisgutan o tulo ka adlaw sa pagtanggal sa ilang mga posters sama sa ilang mga greetings ug uban pa. Apan tungod sa pagmagahi sa nahisgutan, ang COMELEC na mismo ang nananggal o mananggal niini pinaagi sa Oplan Baklas.
“Since gihatagan nato sila og notice, wala nila gitanggal, ma election offense sila kay mahulog na ni siya nga maging part sa ilang election paraphernalia,” pagpasabot niini.
RadyoMaN Kirby Manzon
