Pagsisigarilyo han mga estudyante ha gawas han eskwelahan, ginkakabarak-an han DOH

41

PALO, LEYTE – Gindumara an pinakasyahan nga Regional Anti-Smoking Summit nga ginpangunahan han Department Of Health Region 8.

An mao nga summit in gin-atinderan han mga representante han mga Local Government Units ha probinsya han Samar ngan Leyte ngan sugad man an Philippine National Police.

Sumala kan Dr. Minerva Molon, Regional Director han DOH-8, 17 pala nga syudad ngan munisipyo ha Rehiyon Otso an mayda Anti-Smoking Ordinance tikang han pagpalusad ni Presidente Rodrigo Duterte hin Executive Order No. 26 o an Nationwide Smoking Ban order dida han Hulyo 2017 salit panuyuan han Anti-Smoking Summit agud maaghat an mga Local Government Executives nga magpasaka hin anti-smoking ordinance ha ira tagsa-tagsa nga lugar.

Pahimatngon gihapon han opisyal nga kinahanglan gihapon pukosan han DOH an mga kabataan salit gin-aaghat nira an mga pampubliko ngan pribado nga eskwelahan nga imbitaron an DOH agud mai-presentar an adbokasiya han departamento ha mga estudyante ngan agud malikyan ini ha sayo nga panahon.

Facebook Comments