Davao City – Padayong gipanawagan sa health official sa syudad sa Davao ang mga angay hinumdomon aron ma selebrar nga luwas ug malinawon ang Bag-ong Tuig, 2021.
Matud ni Dr. Ashley Lopez, Department of Health (DOH) Davao City Health COVID-19 Focal Person, sa interbyu sa city-owned radio, gipahinumdom niini ang tulo (3) ka minimum public health standards nga ginapatuman batok Coronavirus Disease 2019 (COVID-19) nga mao ang pagsuot og face mask ug face shield, frequent hand washing gamit ang sabon ug tubig o paggamit og alcohol, ug social distancing.
“Atong ipadayon ang the rest of the holidays happening, (diin) mag enjoy ‘tang tanan pero at the same time we have to keep safe,” matud ni Lopez.
Una nang gipahimangno sa health official ang gikabalak-an nga posibleng anaa sa 1,000 ka kaso sa COVID-19 ang madugang sa unang semana sa Enero 2021 kung magbaton og surge human sa holiday season kung pakyas nga magbaton og self-regulation ang publiko.
RadyoMaN Kirby Manzon
