Davao City – Hapsay og malinawon ang pagsugat sa Bag-ong tuig niadtong milabayng gabii Disyembre 31, 2022 human nga walay dagkong nahitabo sa area of responsibility (AOR) sa San Pedro ug Sta Ana PNP.
Sa interview sa DXDC RMN Davao kang San Pedro Police Station Commander Police Major Marvin Hugos, atol sa pagsugat sa bag-ong tuig walay nadakpan nga nagpabuto og firecracker ug armas.
Gidugang sa hepe nga sa area sa San Pedro dunay mga minor de edad ang nakuhaan og og mga lantaka sukad niadtong Pasko.
Nahinabi sab sa DXDC RMN Davao si PLT Col.Ronald Lao, Station Commander sa Sta. Ana Police Station, ug matod niini walay natala nga nadakpan og nagpabuto og firecrakers ang pyrotechnics sa ilang AOR.
Naglaum sab si Lao nga sa unang semana sa tuig 2023 nga padayon ang kooperasyon sa mga Dabawenyo ug musonod sa balaud.
RadyoMaN Don Pulayao
Facebook Comments
