Kini subay sa post sa DXDC RMN Davao bahin sa pangutana og kumusta ang unang adlaw sa bag-ong tuig ug asa nanglaag.
Sa komento ni Tiff Banal, Davao netizen, kauban niya ang iyang pamilya sa balay.
“Naa ras balay kauban ang family, komento ni Banal.
Samtang, komento sa uban sama ni Bretania Lea, giuna sab niini ang pagsimba tungod nagtuo kini nga angay unahon ang pagsimba ug pagpasalamat sa Ginoo.
“Pinaka importante is ang pagsimba ug pagpasalamat sa atong gamhanan nga Diyos. Kinahanglan siya jud atong unahon,” komento ni Lea.
Dugang nga mabasa sa comment section mao ang naa ra sila sa balay, nanilingan, nagpondo sa kwarto, miadto og simbahan, miadto sa beach resorts, ug ang uban nanarbaho.
Subay sa maong selebrasyon, sa initial assessment sa kapulisan, walay dagkong kakulian nga natala sa pagsugat sa bag-ong tuig dinhi sa Rehiyon XI.
RadyoMaN Renz Barbarona
