Subong nga tag-ilinit indi malikawan nga madamo sang mga babaye ang nagasuksok sang shorts samtang ang iban nga mga lalaki wala nagasuksok sang pang-ibabaw nga panapton kaangay sang t-shirt ukon sando agud mapreskuhan.
Pero sa Caloocan City, may ordinansa nga nagadumili sa amo nga akto.
Sa idalum sang City Ordinance 0439, ginpahayag nga bawal ang pagsuksok sang tuman ka lip-ot nga shorts lakip na ang pag-uba sang pang-ibabaw nga bayo.
Sa ordinansa, nakasaad nga pagahatagan sang warning ang nagabayolar sa 1st offense, P500 nga multa sa 2nd offense, kag P1,000 nga multa kag pagkapreso sang indi magsobra s aduha ka adlaw sa 3rd offense.
Kon wala sang inugbayad, magapaninlo sang duha tubtob apat ka adlaw ang mga madakpan nga nagabayolar.
Nahibaluan nga sang 2007 pa ang ordinansa apang suno sa impormasyon, wala man ini ginasunod.
“Natural din naman sa babae, ayos lang ‘yon, millennials na ngayon. Eh kung gago ka talaga gagawan mo ng masama ‘yung babae. Pero kung hindi, hindi. Nasa pag-uutak ng bawat isa ‘yun,” pahayag sang isa ka residente.
Nagapamalabag naman ang grupo nga Gabriela sa nasamb it nga ordinansa.
via GMA News
