Davao City – Boluntaryo na lamang ang pagsul-ob og face shield sa crowded places, close contact setting, ug confined and enclosed spaces (3Cs) setting dinhi sa syudad sa Davao.
Sa Executive Order (EO) 51-A Series of 2021 sa City Government of Davao nga gipagula kagahapong adlawa (November 2, 2021), dili na required ang pagsul-ob og face shield sa crowded places, asa adunay mass gathering sama sa swab sites, vaccination sites, evacuation centers, panahon sa distribution of assistance ug Commission on Elections (COMELEC) voters’ registration.
Boluntaryo na usab ang pagsul-ob og face shield sa close contact settings o 6 feet nga distansya sa tawo nga nag-uban og sobra kapin 15 ka minutos. Ug bisan sa confined and enclosed spaces o kadtong indoor structures nga adunay atop ug bongbong apan walay bintana, dili na usab kinahanglan ang face shield.
Giuyonan usab sa daghanang netizens ang maong direktiba diin useless lamang sumala pa ang pagpatuman niini tungod kay dili gihapon tarong o sakto ang paggamit sa tawo sa ilang face shield ilabi na sulod sa mga establisyemento.
RadyoMaN Kirby Manzon
