ILOILO CITY – Gin-athag ni Mayor Jose Espinosa III nga luyag lamang niya maamligan ang kinamatarong sang mga konsumidor sang tubig sa syudad sang Iloilo.
Suno sa alkalde ini ang kabangdanan kun ngaa nagpadala sya sang sulat sa Board of Directors sang Metro Iloilo Water District (MIWD) nga dulogan anay ang ila partnership sa MetroPac Water Investments Corp. (MWIC) para sa water distribution.
Para kay Espinosa wala sya sang labot sa mga personalities bangud kun sya lang pwede man niya mareappoint ang tanan ukon ang kadam-an sang mga katapo sang BOD.
Sa idalum sang Joint Venture sang MIWD kag MetroPac Water Investments Corp. (MWIC) magagasto ang kumpaniya sang masobra sa P12 billion pesos nga ginapatihan ni Espinosa nga bawi-on sa mga konsumidor.
Kadungan sini ginquestion ni Espinosa ang petition for rate increase sang MIWD sa LWUA nga magasaka sa P20/cubic meter gikan sa karon nga P15.90/cubic meter.
Ginsiling pa sang alkalde nga kaangay lang nga ginlimbungan lang sang syudad sa petition sang rate increase sang MIWD.
