General Santos City— Nahimong malampuson ang operasyon batok sa miyembro sa Maute-Isis sa kabayan gumikan sa maayong koordinasyon sa kapulisan, militar ug intel community.
Sumala kang Gensan City Mayor Ronnel Rivera nga kinahanglan gyud nga magtibangay ang tanan gumikan dili lang trabaho sa otoridad ang pagbanatay sa siguridad.
Gibutyag man usab ni Mayor Rivera nga adunay proseso nga angayang sundon kalabot sa sa ka opisyal sa gobyerno nga mitabang sa pagpahiluna kang Najib Pundog sa dakbayan.
Higayon matud pa nga makit-an nga aduna kini tulubagon, angayan lang nga kini pasakaan ug kaso. Apan magdepende na matud pa kini sa kapulisan kung unsa ang himuon sa maong opisyal.
Samtang gipaklaro ni Mayor Rivera nga dili maka-alarma ang pagsulod sa miyembro sa Maute-Isis sa dakbayan usa ka semana na ang nakalabay.
Gumikan base sa impormasyon nga naka-abaot kaniya, igo lang nga gibisita sa nasangpit ang iyahang pamilya dinhi sa dakbayan ug dili aron nga maghimo ug kasamok.
Pag-angkon niya nga igo lang gyud nga nagpahulay sa syudad si najib pundog nga napatay atol sa maong operasyon.
