Mangin mahapos na ang pagsulod sa Police Service pinaagi sa pagkuha sang police entrance examination sa National Police Commission.
Ginpahayag ni NAPOLCOM investigator Allen Camiring nga nabaton nila ang pinakabag-o nga memorandum halin sa NAPOLCOM central office angut sa mas ginpahapos nga pagsulod sa PNP.
Base sa nasambit nga memorandum nga pirmado ni NAPOLCOM Vice-Chairman Atty. Rogelio Casurao nga indi na kinahanglan mag-fill up sa height requirement ang applicant kag wala naman gina-require ang certificate of confirmation.
Nahibaluan nga magasugod na ang filing sang application sa Agosto 29 tubtub Setyembre 25 para sa PNP entrance examination nga natalana sa Oktubre 22 sini nga tuig.
