ILOILO City – Ginpahugtan sang Veterinary Quarantine Office sang Bureau of Animal Industry (BAI) kag National Meat Inspection Service (NMIS) ang monitoring sang mga imported nga karne nga nagasulod sa syudad.
Kasunod ini sang importation sang karne agud malambot ang demands sa merkado.
Suno kay Dr. Nilo Lingaya, Regional Veterinary Quarantine Officer sang BAI, ginapahanugutan ang importation sang karne.
Ini nga mga karne gikan sa mga pungsod sa Europe lakip na sa Canada, Amerika kag Australia.
Mga parte ini sang karne nga indi na mabaligya sa amo nga mga pungsod gani ginapadala sa mga imol kag populated nga mga pungsod kaangay sang Pilipinas.
Nagasulod ang imported nga karne sa Western Visayas paagi sa ports sang Cebu ukon Manila bangud wala sang containerized port ang Iloilo.
Photo from web
