Hugot nga nagpahimangno ang Committee on Repatriation on Locally Stranded Individuals sa publiko nga gidid-an sa Kagamhanang Probinsyal sa Bukidnon ang pag-sundo kon pagtagbo sa mga pamilya sa ilang niuling anak, igsoon, paryente o mga higala diha sa pantalan og tugpahanan aron pagsiguro nga walay mataptan sa sakit nga COVID-19 ang mga lomolupyo sa probinsya sa Bukidnon.
Sa interview sa RMN Malaybalay ngadto kang PCL Ex-Officio Board Member Atty. Oliver “Baba” Garcia , hepe sa komitiba, gibutyag niini nga sa nakita nga obserbasyon nga adunay mga pamilya gamit sa mga pribadong salakyan o naga renta nga direktang mitagbo sa ilang mga membro didto sa pantalan o tugpahanan nga diin wala misunod sa direktiba sa probinsya og gikahadlokang nagdala sa sakit nga COVID-19 og mataptan ang tanang membro sa pamilya lakip na ang mga silingan og naka doul kanila.
Gitun-an usab nila nga kinsa kadtong dili magsunod sa maong mando pahamtangan sa angayang multa o silot sa probinsya.
Apan gibutyag niya nga dili sakop sa mao nga kamanduan ang sa Mindanao area gawas sa Zamboanga City ug Davao City.
Gipasa na usab niini ngadto sa mga border checkpoints ang hugot nga pag-inspection sa mga gustong musulod sa probinsya.
Kasamtangang nagpadayun ang probinsya sa Bukidnon sa pagsundo sa tanang mipauli diin sukad niadtong Mayo 19 hangtud Hunyo 14 ning tuiga, basi sa report, niabot nasa kinatibuk-ang ihap nga 1,244 ka mga ROFs (353) og LSIs (891) gikan sa Luzon og Visayas ang nakaabot na sa Bukidnon og gidala sa mga quarantine facility sa tagsa-tagsa ka mga lungsod og syudad agi sa isolation facility sa probinsya aron pagpahigayon sa eksaminasyon og rapid testing lakip na ang katorse-diyas nga pag kwarentinas kanila.
