Pagsuot sa face shield, mandatory na sa Valencia

54

Mandatory na ang pagsuot sa face shield sa siyudad sa Valencia sugod karong adlawa, Setyembre 14, 2020.

Mahinumduman nga nagpagawas ug advisory si Mayor Azucena Huervas niadtong niaging bulan nga bisan gi-encourage apan dili mandatory ang pagsuot niini.

Apan sa press conference nga gipahigayon dili pa lamang dugay, gibutyag ni Atty. Marlowe Selecios, ang city legal officer sa mao nga siyudad nga nakadawat na sila ug pagklaro gikan sa National-Interagency Task Force mahitungod sa pagsuot sa face shield.

Base sa IATF-MEID resolution number 68, required ang pagsuot sa face shield sa public transportation, workplaces, supermarkets, public markets, malls ug enclosed government venues.

Nagtoo usab si Selecios nga nahatagan na ang publiko ug igong panahon para sa pagpalit sa face shield.

Facebook Comments