Padayon pa gihapon karon nga nagpahimumdom ang mga taga Highway patrol Group- ZD ngadto sa mga katawhan ilabi na gayud sa mga bumabyahe nga magsuot ug facemask ug mga faceshield kun mosakay sa mga pampublikong sakyanan.
Pipila na kaadlaw ang taga HPG-ZDN sa pagpangulo ni PMaj. Inocencio Jamolod ang pag monitor dili lamang sa mga terminal kun dili lakip na diha sa mga kadalanan, sa dalang nasyunal dinhi sa probinsya aron masiguro nga masunod ang basic health protocols.
Kahibaloan nga dili pasakyon ang mga commuters kun ugaling wala kini nakasuot ug faceshield lakip na ang facemask.
Gibutyag sab ni PMaj. Jamolod, nga dili na sila manakop sa mga mag asawa nga mo sakay ug motor kun walay barrier tungod kay suspendido na kini.
Pero giklaro sa hepe sa HPG nga kadto lamang mga mag asawa ang gihatagan ug higayon nga dili mag butang ug barrier. Apan kadtong mga dili mag asawa ilabi nasa mga APOR kinahanglan gihapon mag barrier basin na sa kamanduan sa NTF.|Mark Bacroya
