Pagsupak ni VP Inday sa peace talk dili rason aron mukanaog sa puwesto

Davao City – Nakurat ang usa ka Political Analyst sa dakbayan sa Davao sa panawagan ni kanhi Senador Leila Delima kang Vice President Inday Sarah Duterte nga mukanaog sa katungdanan, tungod sa pagtoo nga misupak kini sa hinabing pangkalinaw tali sa gobyerno ug teroristang CPP NPA NDF.

Alang kang Political Analyst ug Professor Ramon Beleno III, walay rason aron mokanaug sa pwesto isip Bise Presidente sa Republika sa Pilipinas si Deped Secretary Inday Sarah Duterte, kung ang basihan ang panawagan ni De lima mao ang pagsupak sa peace talk nga maoy gihingusgan sa Marcos administration karon.

Gipadayag pa ni Beleno, ang pagsupak ni VP Inday sa peace talk ug pagsulti niini nga angay lang rebyuhon sa gobyerno ang unod sa hinabing pangkalinaw, usa lang ka suhestiyon.

Dugang pa sa Professor, dili sa tanang panahon magka-uyon sa disesyon ang mag-alyansa sama nila President Bongbong Marcos Jr., ug VP Inday Sarah Duterte, apan wala nagpasabot nga mikontra na kini sa iyang Presidente.

Nanghinaut si Beleno nga madayon ug molampos ang peace talk aron hingpit nang matuldokan ang problema sa insurhensiya sa nasod.

RadyoMaN Joel Viray