Pagsuporta ni DepEd Sec. Angara sa teachers’ salary increase, gikalipay sa DepEd -XI

Davao City – Positibo ang Department of Education (DepEd)-XI nga mahatagan na og katubagan ang panawagan sa pagpataas sa sweldo sa mga magtutudlo, karon nga mismong ang bag-ong DepEd secretary na ang mipadayag og dakong pagsuporta alang niini.

Sa interview sa DXDC RMN Davao kang Jenielito Atillo, spokesperson sa DepEd-XI, iyahang gibatbat nga welcome sa DepEd ang pagsiguro sa new DepEd Secretary nga si Juan Edgardo “Sonny” Angara sa pagtutok sa maong concern sa mga magtutudlo.

Gibutyag sab ni Atillo nga dili na bag-o kang Angara kung unsa ang gikinahanglang benepisyo sama sa DepEd tungod kay nahimong chairman sab siya sa Committee on Finance sa Senado.

“Imagine, you have the highest ranking DepEd official in the country confirming his support para sa dugang usbaw sa suholan ug mga benepisyo sa mga magtutudlo, then that is huge. That is something nga pwede natong masulti nga duna nay lig-on kaayo nga pundasyon nga suporta,” sulti ni Atillo.

Una na sab nga gisulti ni Angara nga abri siya sa tambag ug suportang ihatag sa mga expert aron mapalambo pa ang DepEd ilawom sa iyahang pagdumala.

RadyoMaN Kirby Manzon