Mas inirerekomenda ni Senate Proactive Response and Oversight for Timely and Effective Crisis Strategy (PROTECT) ad hoc committee chairman Sherwin Gatchalian ang pagsuspinde ng excise tax sa diesel at gasolina.
Ayon kay Gatchalian, welcome sa kanya ang naging anunsyo ng Palasyo na suspendihin ang excise tax sa LPG at kerosene.
Gayunman, iginiit ng senador na mas dapat tutukan ang diesel dahil ito ang tinuturing na “fuel of the masses” at pangunahing ginagamit sa transportasyon.
Dagdag pa niya, kung magiging “perfect” ang targeted distribution ng subsidiya, magiging maganda sana ang resulta ng pansamantalang pagsuspinde sa excise tax sa LPG at kerosene.
Facebook Comments
