Davao City – Misentro sa paghatag og bili sa kultura ug kinaiyahan sa syudad sa Davao ang mensahe ni Davao City Mayor Sara Duterte-Carpio atol sa opening ceremony sa 36th Kadayawan Festival kagahapong adlawa (Agosto 20, 2021) nga adunay temang “ONE BEAT. ONE CULTURE. DabaONEnyo.”
Sa mensahe sa alkalde, gipasabot niini ang importansya sa paghatag og respeto ug bili sa kinaiyahan sa dakbayan labi na sa kultura ug gigikanan sa Davaoeños pinaagi sa onse (11) ka tribu.
Matud sa mayor nga taliwala sa pandemya hatud sa Coronavirus Disease 2019 (COVID-19), makita gihapon ang kaligdong sa Davaoeños ug ang panaghiusa sa katawhan luyo sa unsa mang pagsulay.
“Madayaw Davao! Happy 36th Kadayawan Festival kaninyong tanan! Let this year’s Kadayawan which we are celebrating for the second time without the customary festivities and gatherings due to COVID-19, be a testament to our resilience amidst adversities to our unity as one multicultural community despite the challenges we face,” tipik sa mensahe sa alkalde.
Atol sa opisyal nga pag-abli sa aktibidad, mihatag og pasundayag ang Mugnapak Drum Beaters, Madayaw Cultural Ensemble ug ang Sta. Ana Performing Arts Guild.
Alas-8 kagabii gipahigayon ang Tunog Kadayawan samtang aduna pay nakalinyadang aktibidad hangtud karong adlawa ug sa Domingo alang sa 3-day event sa digital Kadayawan.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
