Sa interbyu sa DXDC RMN Davao kang Michael Leones, magtutudlo sa Compostela National High School, iyang gisulti nga subay sa direktiba, kinahanglang hinlo ang ilang classroom, rason nga ilaha na nga gipanglangkat ang posters ug decorations.
“Pinaalahanan ko rin ang ating mga guro tungkol sa DepEd Order no. 21, series of 2023 o ang Brigada Eskwela Implementing Guidelines na tiyaking malinis at walang mga dekorasyon, tarpaulin o mga posters ang mga silid-aralan upang magkaroon ng focus ang ating mga mag-aaral sa mga leksyon mula sa ating mga guro,” tipik sa statement ni VP Sara sa iyang social media account.
Apan, wala nakita ni Leones nga makadisturbo ang decorations sa pagtuon diin kini nagdepende lamang sa mga estudyante.
Miani usab og reaksyon gikan sa netizens ang mando sa DepEd diin ilang gipasabot nga sagad sa mga estudyante karon mga visual learner, rason nga gikinahanglan nila ang maong mga materyales.
RadyoMaN Kirby Manzon
