Davao City – Mao na kini ang panahon aron mahatagan og katumanan ang damgo sa buot magpulis karon nga hingpit na gitanggal sa National Police Commission ang height requirement sa mga aplikante sa PNP.
Matod ni Napolcom National Adviser Bishop Ariel Coleto nga sakto lang ang lakang sa ahensiya kay mahatagan na og kahigayunan ang bisan kinsa nga makasulod sa PNP bisan og kuwang og height.
Segun ni Coleto, ang pagwagtang sa height requirement tubag kini sa kakuwang sa puwersa sa PNP kay sa karon kapin 100 thousand lang ang ihap sa mga otoridad tibuok nasud diin matag usa ka pulis dunay ginabantayan nga 2,500 nga populasyon.
Walay nakita nga sayop si Bishop Coleto sa hukom sa Napolcom nga pagwagtang sa height requirement ug pagpasayon sa mga rekisitos nga dapat i-comply sa mga aplikante sa pagka-pulis.
Mahatagan na unya og igong seguridad ang katawhan karon nga dili na babag ang gitas-on sa aplikante sa pagkapulis dili sama kaniadto nga gikinahanglan 5’7 gyod ang height sanglit nihit ang igong puwersa PNP sa tibuok nasud.
Gi-uyunan ni Bishop Ariel Coleto ang sugyot ni Senator Panfilo Lacson ngadto sa kapulisan nga himoong requirement sa pagka-pulis ang waistline imbis sa pagtanggal sa height requirement.
RadyoMaN Joel Viray
