![](https://i0.wp.com/rmn.ph/wp-content/uploads/2021/09/FACE-SHIELD-1.jpg?resize=696%2C392&ssl=1)
Naniniwala ang World Health Organization (WHO) na hindi pa tamang panahon para pag-usapan ang pagpapalit polisiya sa paggamit ng face shields.
Kasunod ito ng naitalang record-high tally ng mga bagong kaso ng COVID-19 sa Pilipinas.
Ayon kay WHO country representative Rabindra Abeyasinghe, pag-uusapan pa ng gobyerno ang pagbabago sa oras na maging kontrolado na ang sitwasyon ng COVID-19 sa bansa.
Sa kasalukuyan, ang Pilipinas ay isa sa mga bansa na nagre-require sa paggamit ng face shields, maliban sa suot na face masks.
Una nang sinabi ng Malakanyang na wala pang pag-uusap ang Inter-Agency Task Force (IATF) kaugnay sa pagluluwag sa pagsusuot ng face shield, sa kabila ng mga batikos na hindi naman ito lubusang nagpoprotekta sa isang tao mula sa virus.