Hindi natuloy ang pagtestigo kanina ni dating Philippine National Police (PNP) Chief PGen. Nicolas Torre III sa Pasig City Regional Trial Court (RTC) laban kay Pastor Apollo Quiboloy.
Ito ay dahil sa na-reset ang pagdinig ngayong araw matapos na-promote ang hukom na humahawak sa kasong qualified human trafficking laban kay Quiboloy.
Si Judge Rainelda Estacio-Montesa kasi ay napromote bilang deputy court administrator.
Bunga nito, sa December 10 na lamang itinakda ang susunod na pagdinig sa kaso.
Magugunitang si Torre ang naging arresting officer kay Quiboloy noong ito pa ang hepe ng PNP Region 11.
Facebook Comments
