Tapaz, Capiz- Pagtimalos ang ginatudlo nga motibo sa pagluthang-patay sa isa ka 42-anyos nga lalaki sa sulod mismo sang iya puluy-an alas 3 sang aga sa Sitio Dam Barangay San Julian, Tapaz.
Ginbawian gid sang kabuhi ang biktima nga ginkilala kay Randy Fagtanan sang San Antonio, Tapaz, Capiz nga nag-angkon sang patal nga pilas sa iya ulo matapos nga ginluthang sang suspek nga si Romeo Gequillo alyas Nono sang Barangay San Julian, Tapaz.
Nagaguha sa imbestigasyon sang mga kapulisan nga yara ang biktima sa poluy-an sini sang gingubat sang suspek nga kag ginhangkay nga ini ang magguha.
Wala niya ini ginsapak apang nagpamilit ang suspek nga magsulod. Hinali nga ginluthang ang biktima gamit ang wala pa mapahayag nga sahe sang armasluthang.
Sa subong padayon pa nga atlarge ang suspek nga si Romeo Gequillo makaligad nga insigida nga nagpalagyo sang makomiter ang krimen.
Nahibaluan nga antes ang krimen, halin ang suspek sa ospital kun sa diin gin-atender ang utod sini nga ginlabo sang biktima nga si Randy Fagtanan.
