Gikalipay ni kanhi Senador Nene Pimentel ang pagtiwas ni City Mayor Oscar Moreno sa Cagayan de Oro Convention Center.
Matud ni Pimentel nga buot niya nga nganlan kini Magtajas convention center, tungod kay daghan ang nahimo ni anhing Mayor Pablo Magtajas nga kaayuhan sa katilingban.
Dugang pa ni Pimentel, nga si Magtajas dili garboso nga tawo, ug mapaubsanon hinungdan nga angay lang nga dumdumon ang kaayuhan nga nahimo niini alang sa dakbayan.
Nasayran nga mahimo ng magamit ang maong pasilidad kung mabutangan na kini og suga.
Mahinumduman nga 20 ka tuig na ang milabay, ayha pa nahuman ang maong pasilidad.
Samtang gibutyag ni kanhi Senador Pimentel nga gilangan langan sa pagtiwas sa gobyerno ang Cagayan de Oro Convention Center hinungdan nga ayha pa kini nahuman.
Matud ni Pimentel nga pagsugod pa lang sa proyekto iya na kining gipundohan ug gisigurong sa matag tuig magahinan kini sa national government.
Dugang pa ni Pimentel nga tungod kay kaniadto kontra siya ni Marcos hinungdan nga posibleng naigo kini nga proyekto sa politika.
