Sa pakighinabi sa DXDC RMN Davao, gibutyag ni OSCA Head Lorenzo Borja nga dako ang kalipay sa mga senior citizen nga matagaan sila ug higayon nga makatrabaho bisan taliwala sa ilang edad.
Matod pa sa opisyal, pinaagi sa maong kasabutan gitugutan na nga makatrabaho ang mga lolo ug lola sa fast food chain. Dako kini’g tabang dili lamang isip exercise alang sa ilang panglawas, kundili aron usab makabaton sila ug dugang income para sa bitamina ug adlaw-adlaw nga panginahanglan.
Dugang pa ni Borja, dugay na nga tinguha sa mga senior citizen sa Davao nga maka-empleyo bisan pa man sa kamatuoran nga sila adunay edad.
Samtang, gikatakda usab nga mopirma ang LGU-Davao ug laing kasabutan karong Septyembre 11, 2025 uban sa usa ka ilado nga fast food chain nga adunay susamang katuyuan.
RadyoMaN Bien Abanos
