Davao City – Pabor ang kapitan sa usa ka barangay ning syudad sa Davao sa pagtukod og Barangay Isolation Unit (BIU) batok sa COVID-19 (Corona Virus Disease 2019) subay sa kamanduan sa Department of Interior and Local Government (DILG).
Sa interbyu sa DXDC RMN Davao sa kapitan Rolando Trajera sa Brgy. 76-A, gibutyag niini nga makatabang kini aron dili mutakod ang sakit sa uban kung adunay may tao nga kinahanglang imbestigahan sa maong balatian o ipalawom sa quarantine.
“Pabor kaayo ko ana kay lisod man pud kaayo kung dili ta maghimo og isolation room kay basin kitang tanan diri matakdan. Matakdan tang tanan kung dili ta maglihok. Bisan unsa nga virus ang maabot dapat naa tay isolation room,” saysay ni Trajera.
Sa pagkakaron, matud ni Trajera nga aduna silay ginatukod nga gambalay sa ilang barangay diin plano niining maggahin og lawak aron himuong isolation room sa mga indibidwal nga gisuspetsahan sa COVID-19.
RadyoMaN Kirby Manzon
