Ipatigayon na sang makaduha ka bes sa isa ka semana ang bible study sa South Cotabato Provincial jail partikular na sa mga preso nga babaye agud nga mapabakod pa gid ang pagtuo sa Ginuo sang mga ini.
Ini matapos sang nagluntad nga insidente nga ginpatihan nasudlan sang malain nga espiritu ang mga preso nga babaye sang tinalikdan nga semana.
Suno kay Warden Juan Lansaderas may nagtanyag man nga mga pastor sang serbisyo para mabuligan ang mga preso nga mapabakod ang ila nga pagtuo sa Ginuo.
Samtang magluwas sa preso nga mga babaye may-yara man sang ipatigayon nga bible study makaduha ka bes sa sulod sang isa ka bulan para naman sa mga inmates nga lalaki.
Apang paklaro ni Lansaderas nga indi nila piliton ang mga preso nga magtambong kundi depende na sa ila nga pagtuo.
Ginkumpirmar man ni Lansaderas sa subong halos nakarekober na ang 13 ka mga preso nga babaye nga nasudlan suno pa sang malain espiritu.
