BACOLOD CITY – Tatlo ka mga tawo ang ginhold-up sang apat ka mga wala makilala nga suspect may mga las 9:40 kagab-i sa exit sang isa ka daku nga mall sa Barangay Mandalagan, Bacolod City.
Ang biktima ginkilala nga si Cressia Manocay kag ang duha ka wala ginhingadlan nga empleyado sang isa ka baligyaan sang donut.
Suno sa imbestigasyon, si Cressia kag ang duha ka iban pa ang nagasakay sa L300 van nga ginamaneho ni Rodel Dimzon kon diin sang yara na sila sa exit sang mall, ini sila ang ginbanggaan sang mga suspek kag gintayaan sang armas.
Nakuha kay Cressia ang isa ka backpack nga may unod P2,800 pesos, cellphone, mga ATMs kag IDs.
Gilayon nga nagpatigayon sang follow-up operation ang mga katapo sang Police Station 3 apang wala nadakpan ang mga suspek./Web photo
