Davao City – Pabor ang Nagkakaisa Labor Coalition (NCL) sa kamanduan ni Pres. Rodrigo Duterte nga wad-on ang ‘5-6’ nga iskema sa pautang hilabi na kadtong grabe makapatong og interest sa mga mangutangay.
Uyon si NCL convenor Mike Ybanez sa mando ni Duterte nga wad-on ang pautang nga dagku og interest sama sa 5-6 nga gipadagan sa mga Bumbay.
Matud niya, daghan sa mga Pilipino naglisud karon tungod sa taas nga interes sa pautang diin ang uban mapugos na lamang og collateral aron makabayad lang sa utang.
Awhag lang ni Ybanez sa gobyerno mao nga hatagan og igong access ang mga kabos aron makautang og sapi nga dili na magkinahanglan og dako nga buhis.
Sanglit makaluluoy man pod matud pa ang mga pobre kansang ang gisaligan mao lang ang ‘5-6’ nga iskema sa turko aron makasugod sila sa ilang panginabuhian nga mao ang ginagmay nga negosyo.
Ang kagamhanan angay magmuntar og kooperatiba nga pwede kadaganan sa mga yanong lungsoranon panahon sa kalisdan para sa ingon makasugagod sila sa ginagmay nga negosyo.
RadyoMaN Joel Viray
