Davao City – Gipahimangnuan ni City Health Office chief Dra. Josephine Villafuerte ang publiko nga dili magkumpyansa karon nga wagtangon na ang FM Pass ug curfew sa extended Modified General Community Quarantine sa Davao City.
Sa interbyu sa RMN Davao, gisulti ni Villafuerte nga kinahanglang iobserba sa publiko ang mga health protocols ug padayon niining panawagan nga magpondo sa mga panimalay kung wala man lamang importanteng lakaw.
“Dili sila mag-taka-taka og gawas. Mag-ingat sila sa sarili nila di porke’t na lift na ang kanilang FM pass at curfew, pwedi na silang maglaroy-laroy. Better thinks as if they have their FM Pass and curfew,” matud ni Villafuerte.
Matud pa nga wala magkulang ang gobyerno ug mga health experts sa pagpasidaan sa katawhan busa magdepende na kini karon sa batasan sa tao aron luwas ug malikayan nila ang COVID-19.
RadyoMaN Aimee Guinita
