Giklaro sa Provincial Joint Task Force Against COVID-19 ug Bukidnon CV Shield ang kamanduan sa pagwagtang sa mga barangay checkpoints kon quarantine control points.
Sa interview sa RMN Malaybalay ngadto kang Police Lt. Col. Arce Yam-oc, ang Provincial Commander sa Provincial Joint Task Force Shield gibutyag niini nga wala siya’y kamanduan nga gub-on o kuhaon ang mga quarantine control points sa mga kabarangayan, munisipyo o siyudad.
Gani, matud niya nga gidasig pa niya ang mga opisyales nga magbutang ug dugang control points sa ilang nasakupan.
Apan matud ni Col. Yam-oc nga kinahanglan nga dili lang kini ibutang sa mga provincial ug national roads.
Gipasabot niya nga kung anaa lang sa mga city, municipal o kaha barangay roads ang mao nga control points mas ikalipay pa kini nila kung daghan ang ibutang apan dili lang sa mga provincial ug national roads.
Sigun ni Col. Yam-oc nga tumong niini aron dili madelatar ang mga nagkarga ug mga essential goods ug mga pagkaon paingon sa ilang mga tagsa-tagsa ka mga destinasyon.
Matud niya nga kinahanglan nga sila lang mga pulis ang manguna sa mga checkpoints nga gibutang sa mga national ug provincial roads.