Davao City- Personal nga magpadangat sa iyang pahasubo ug sa iyang administrasyon ang pamuno-nasud ngadto sa pamilya ug mga tagtungod sa namatay nga opisyal sa Presidential Security Group (PSG).
Matud sa mga taho, si Pres. Rodrigo Duterte gikatakdang moduaw sa haya ni Maj. Harim Gonzaga, usaka 37 anyos nga PSG operations officer kinsa napalgan na lamang kining nabulit sa dugo human napusilan sa dughan nga bahin sulod sa iyang quarters sa Malacañang Park.
Hangtud karon, wala pay dugang klaripikasyon ang PSG kalabot sa insidente gawas lamang sa pamahayag kagahapon ni PSG chief Brig. Gen. Lope Dagoy nga wala silay nakit-ang foul play sa kamatayon sa ilang batan-ong opisyal.
Nailo ni Gonzaga ang asawa niini nga usa usab ka sarhento sa susamang security contingent ug duha ka mga batan-on pa kaayo nilang mga anak.
RadyoMan June Duterte
