Davao City- Nakagawas na sa custodial facility sa Toril Police Station ang Pakistani National nga nakaligis patay sa nitabok nga 94 anyos nga biktimang si Tomas Alcano sa McArthur Highway corner Salutillo, Central 1, Brgy. Binugao, Toril, Davao City alas-6:00 sa niadtong Nobyembre 2,2023.
Gibutyag ni Police Captain Hazel Tuazon, Davao City Police Office (DCPO), gibuhian ang drayber nga si Haider Rehmann, 30 anyos nga taga-Sinawilan, Digos City.
Sumala ni Tuazon, wala napasaka ang kasong reckless imprudence resulting in homicide batok sa langyaw human nagkasinabot kini sa pamilya sa biktima nga abagahon ang tanang galastuhon sa pagpahiluna sa namatay nga senior.
Sa imbestigasyon, samtang gabaktas ang biktima sa maong lugar nabanggaan kini sa multicab nga gimanehuan sa Pakistani ug nalabay ang biktima sa kalsada.
Gideklara sa sa 911 Ambulance-06 Paramedic alas 6:10 sa gabie niadtong Nobyembre 2 ang tigulang nga patay ug posibleng sa head injury ug multiple fracture nga nahiaguman tungod sa disgrasya.
RadyoMaN Aimee Guinita
Facebook Comments
