Ginmandu ni 301st Brigade Commander Benedict Arevalo sa mga suldado sa Isla sang Panay nga pakitiron pa ang dalan sang mga rebelde nga New People’s Army.
Ini kasunod sang nagluntad nga engkwentro sang militar kag rebeldeng komunista sa Brgy. Malublub, Leon, Iloilo kahapon nga adlaw.
Suno kay Col. Arevalo, kinahanglan pukanon ang mga terorista nga NPA paagi sa pagpatigayon sang security patrol kag internal security operations.
Dugang pa ni Arevalo, dapat unahan sang militar ang NPA paagi sa paglagas sa ila agud indi sila kapanghalit sa mga komunidad.
Pamatu-od sang pagka-agresibo sang militar ang pito nila ka engkwentro batok sa npa humalin sang Hulyo 21.
Magluwas sa ginahimo nga paglagas sang militarv sa mga rebelde, dako man nga bagay suno kay Arevalo ang bulig sang komunidad paagi sa pagreport sang mga kalakasan nga ginahimo sang mga rebelde.
