PANAY, CAPIZ – Dakop mga pasado alas 5:35 sang hapon ang mag-utod nga nagatuga sang kinagamo kag alarma sa bulig ni Kapitan Mabini Besana sang Brgy. Candu-al, Panay, Capiz.
Ginkilala ang mga suspek kanday Nelson Diocson Jr. y Benid, 34-anyos ang pang-edaron kag Rodmar Diocson y Benid, 40-anyos nga lunsay mga residente sang nasambitan nga barangay.
Base sa blotter report sang Panay PNP, nagluntad ang komosyon matapos ang Christmas Party kun sa diin narekober kay Rodmar ang isa ka unit sang caliber .45 pistol nga may yara sang serial number kalakip ang isa ka bala nga yara pa sa chamber. Samtang nakuha naman sa posisyon ni Nelson ang isa ka unit sang caliber .38 revolver nga may lima ka mga ka bala kag isa ka empty shell okun basiyo.
Ginpangitaan ang mga ini sang nagakaigo nga papeles ukon permiso sa legal nga paghupot sang amu nga mga armasluthang, napaslawan nga makapresentar ang nasambitan nga mga persona. Ang mga ini ang magapangatubang sang kaso sa pagbayolar sa R.A 10591 ukon Illegal Possession of Firearms and Ammunitions.
