Davao City – Ginadili ang indibidwal nga pagpangolekta og pamasahe sa mga pasahero sa taxi units.
Kini mao ang gitino karon ni Land Transportation and Franchising Regulatory Board (LTFRB) XI officer-in-charge Atty. Cattleya Acaylar human adunay concerned citizen nga mireklamo sa sibyahanan sa DXDC RMN Davao bahin sa ‘Pakyaw’ System sa mga taxi units dinhi sa syudad.
“If daghan kaayo ka og pasahero unya imo na silang gikolektahan per head wala ka naga gamit og metro mura na ka’g nag van ana so imong byahe ana lahi na sa imong authorized denomination which is taxi so nahimo nakang UV express and ilawom sa atong balaud nahimo na siyang colorum,” saysay niini.
Pagpasabot ni Acaylar nga ilawom sa Joint Administrative Order No. 2014-01, dili mamahimong indibidwal nga mangolekta og pamasahe ang adunay authorize denomination sa taxi units sanglit makunsidera na kining colorum.
Gani muatubang kini og kasong Operating Under Another Denomination ug adunay piyansa nga P120,000 ang madakpang mga taxi units diin matud pa ubay-ubay na ang ilang na-impound.
Samtang gi-awhag niini ang publiko nga kung mamahimo dili na musakay sa mga colorum nga sakyanan ug mamahimong isumbong kini direkta sa ilang buhatan.
RadyoMaN Jason Amisola
