ILOILO City – Nagahilibion si Maria Nieves Grandiza sang iya ginpadulungan ang bangkay sang iya tatlo (3) ka tuig nga bata nga wala makasurvive sa Iloilo strait tragedy matapos nagkulob ang MB Jenny Vince nga ila ginasakyan hapon sang Sabado, Agosto 3, 2019.
“Palangga ka gid ni Mama,” ini lang ang nabuy-an nga tinaga sang iloy dala halok sa kamot sang bata antes gindala ang mayami nga bangkay sang 3 ka tuig nga bata nga nasulod na sa plastic.
Ang bata ang ginkilala kay Arbien Baguio, napatay upod ang iya amay nga si Romeo Baguio.
Nahibalu-an nga si Maria Nieves Grandiza, ang nanay sang bata amo ang naga-isahanon nga naka-survive sa 10 sa ila nga magpamilya upod ang pamilya sang iya palaman-on nga gikan pa sa Cebu kag nag padulong sa Guimaras para mag pamalaye.
Subong kuntani nga adlaw natalana sila nga magbalik sa Cebu.
Sa subong 5 pa ang missing sa ila pamilya lakip na ang nanay sang iya palaman-on, Tatay, hinablos kag utod sini.
