Davao City – Niadtong Miyerkules nahatag na sa lokal nga panggamhanan sa Davao ang mga allowances alang sa mga atleta ug technical officials.
Gikumpirma kini ni Asst. City Administrator for Operations Atty. Lawrence Bantiding atol sa I-Speak Forum kagahapon sa DC-UPMin Sports Complex.
“On time naman tayo sa pagbigay ng allowances na iyon, kasi iyong sa mga athletes and sa mga technical officials sabay iyon na lumabas na na-in-cash po iyong mga cheke at saka pag-distribute,” segun ni Bantinding.
Gibutyag ni Bantiding nga nagpadayon pa ang pag-release sa allowances alang sa mga technical officials.
Samtang gipaniguro ni Department of Education Region XI spokesperson Jenielito Atillo nga matunol gayod ang mga nakatagana na mga allowances para sa mga partispante sa Palaro.
“Pre-identified naman na siya naa nay listahan and then kung nag-release na it’s very impossible also nga wa nasayod ang uban pero katong wala makadawat then much better if muduol sila sa appropriate office. I can really guarantee to anyone that what is being alloted and budgeted will be given to them,” sumala ni Atillo.
Giawhag sa mga opisyales ang kadtong adunay mga concerns mamahimong ipadangat direkta sa opisina sa Department of Education o kadtong wala pa giingong makadawat sa ilahang mga allowances nga muadto sa billeting quarter sa DAVRAA sa Mintal ning syudad.
RadyoMaN Aimee Guinita
