Davao City – Human sa usa ka semanang intense nga pagtigi sa mga pinakamaayong mga atleta sa nagkadaiyang parte sa nasud, pasidunggan unyang alas-3:00 sa hapon atol sa Closing Ceremony sa Palarong Pambansa sa Davao City-University of the Philippines Sports Complex ang mga mananaog.
Matud ni Emmanuel ‘Wadab’ Babao ang Event Organizer sa Palarong Pambansa nga sugdan kini sa usa ka Unity Parade ug adunay supresang ipalantaw nga Audio Visual Presentation para sa tanang nahimong kabahin sa dakong aktibidad.
Gikumpirma ni Babao nga mutunol sa iyahang mensahe si Davao City Mayor Inday Sara Duterte-Carpio kinsa maoy keynote speaker atol sa pagtapos sa Palaro.
Nanguna gihapon sa medal tally ang defending champion nga mao ang National Capital Region kinsa maoy giekspektar nga overall champion nga adunay 76 Gold Medals base sa partial and official medal tally as of May 3, 2019, 8:15pm.
Samtang, ang Davao Region nakasakmit og 12 Gold Medals anaa karon sa ika-12 nga pwesto.
Pormal usab nga ipasa sa Davao City ngadto sa San Jose City, Occidental Mindoro ang pag-host sa Pambansa sunod tuig.
Ianunsyo usab ang mga nidaog sa Special Awards, ang Most Discipline Delegation, Most Organized Delegation,Best Billiteng Quarters, Cleanest, Greenest and Eco-Friendly Quarter.
RadyoMaN Aimee Guinita
