Davao City – Gikinahanglang dili matapos human sa Palarong Pambansa 2019 ang pagbansay sa mga atleta sa Davao Region.
Matud ni Department of Education (DepEd-XI) spokesperson Jenielito Atillo nga kun buot natong ayuhon ang abilidad sa Davao Eagles diha sa pag-harvest og medalya sa sunod pang mga kompetisyon, angay nga magprepara gayod og ensakto.
“We must not settle. We have to improve, improve and improve more. If we are preparing, they too are preparing. It is important that after this competition, we should train whether we lose or win,” sumala ni Atillo.
Sa susamang pagkaagi, gidayeg ni Atillo ang LGU-Davao sa malampusong pag-host sa Palarong Pambansa karong tuiga.
Gitataw ni Atillo nga naningkamot ang lokal nga panggamhanan aron matunol gayod ang tanang mga panghinahanglanon dili lamang para sa mga delegasyon sa Davao Region apan kalakip sa pag-akomodar sa mga bisita ug mga athletic delegations.
Samtang gipangandaman na sa dakbayan ang ika-63rd National Private Schools Athletics Association (PRISAA) Games 2019 diin ang Davao City gihapon maoy host niini karong Mayo 19-24.
Mientras gibutyag ni City Transport and Traffic Management Office (CTTMO) chief Dionisio Abude nga gina-finalize na nila ang mga billeting quarters sa mokabat 7,500 ka mga atleta ug delegado.
RadyoMaN Aimee Guinita
