Davao City – Bisan pa man kun tungason pa kaayo ang sagubangon sa atong mga atletang Dabawenyo, walay undang ang pagpaningkamot sa Team Davao sa pagsakmit sa dugang mga medalya.
Segun kang Department of Education (DepEd-XI) Spokesperson Jenielito ‘Dodong’ Atillo, taliwala ning atong presenteng ranking nga naa sa ika-trese nga ang-ang sa 17 participating regions, gipaningkamotan gihapon sa atong delegasyon nga magkamar pa ug mga kadauguan sa nagkadaiyang mga sports discipline.
As of 10:35 karong buntag, nakuha na sa Team Davao ang 4 ka gold medals, 12 ka mga silvers ug 9 ka bronze medals.
Niadtong nilabay’ng Palaro, nakuha nato ang ika-7th ranking diin tumong karon sa atong koponan nga maabot ang #5 ranking, dugang ni Atillo.
‘We really have to sweat it out, but our team is doing well,” panapos sa tigpamaba sa education department sa rehiyon.
Kahinumdoman nga sunod tuig, ang syudad sa Davao na maoy mamahimong host sa Palarong Pambansa 2019.
Gani, hugot na ang preparasyon karon sa City Government aron paghitsas sa atong mga sports facilities sa maong torneyo sama sa UP-Mindanao Sports Complex diin himoon ang nagkadaiyang mga kompetisyon.
RadyoMaN June Duterte
